ما فيه أثقل في حياة الأب من غلطة بنيّة
و ما في شيٍ قِد تساوى بالقهر كثر الشماته
و المصيبة لو يجي هالوقت و عيونه خفيّة
و نظرة ٍ فيها التهايم من ورى اغلي بناته
و اكتشف برد الفضايح بين طياته الدفيّة
و البذور اللي تروّت ما تبشر في نباته
و انكسر بيد المذله في حياةٍ عنجهيه
و لعبةٍ غصبٍ شربها و انشبت بأقصى لهاته
ما درى موته كٍيانه من ورى بنت رديّه
و ما هقى سودِ البلاوي من وجودٍ في حياته
واحسافة و انتهى الرجّال و اطعونه قوية
و انصدم باللي تمرد و انطلق يكسر وصاته
و انتهى يشكي بناتٍ حطموا ذيك الوصية
و انفجر كل شي تعلق بين حلمه و أمنياته
و ابتدئ يصرخ و يلعن طيبة النفس الرضيّه
و انجبر يفهم و ياعي كيف لا فاته فواته
يا بنات الذل توبوا و اعرفوا حجم الخطيّة
و اذكروا عود تَهَقوا عدّل الدنيا بعصاته
و ارحموا امٍ تهاوت من ورى دمعة عصيّه
قدّروا أخ ترجى خير في سمعة خواته
يا كثر منهو تصوّب و انشبت فيه الشظيّة
و يا كثر منهو تمنى يطلب الله في مماته
اعذروا شاعر توجه يَقصد النفس الشقيّه
يرحم الله من يفرق بين ذنبه و حسناتِه
منقول
الخميس مايو 08, 2008 8:37 am
