مووني
عدد الرسائل : 228
تاريخ التسجيل : 05/05/2008
 | موضوع: فضفضة مخترعة  الثلاثاء يناير 27, 2009 11:24 am | |
| بسم الله الرحمن الحريم ..
فضفضة مخترعة.. موضوعي .. شاغل فكري .. وحبيت اشاركم فيه ..
بما اننا زمان ماندري عن بعض ومابنتواصل مزبوط .. حبيت اقولكم اخر مايدور في عقلي
يلا نبدأ ..
طبعا كل فتره في حياتنا بتجي فكره تسيطر على تفكيرنا .. سواء كانت فكره تافهه أو لا.. المهم اسمها فكره وشاغله البال
الأيام دي اهلي طايحين ع الفصفص بطريقة مو طبيعية.. صراحه كنت طايحه معاهم بس افتكرت انو الفصفص يجيب الزايدة
وصارت بطني تعورني كل يوم .. والله جد ماأكذب عليكم .. واشتغلت الوسوسه وكل شي.. المهم في مره من المرات
وكنت في نص الليل تقريبا قاعده اكل فصفص .. وشويه صحيت فكره في راسي.. دي الفكره من زمااااااااااان في عقلي
بس للأسف لاقيه صعوبه اني انفذها .. وهيا اختراع .. جهاز يفتح الفصفص ..
اول شخص قلتله دي الفكره كانت ماما .. قعدت تتريق الله يسامحها .. وماانتبهت انو التحطيم شي مو كويس .. يعني مفروض
تشجعني .. المشكله انو هيا حطمتني .. والمشكله الأكبر انو الكل حيحطمني في دي الفكره .. للأسف في مجتمعاتنا العربيه
مافي احتضان مواهب .. يعني حتى المواهب تحتاج حنان ترى .. المهم بعدين افتكرت الم الزايده ومع التحطيم وصعوبة الفكره بطلت..
بس بعدين صحيت فكره ثانيه .. برضو من فتره جات في راسي .. واقولكم قصة ولادتها ..
في يوم من الأيام كانت مووني تتفرج تلفزيون .. وطبعا انا معروفه بالكسل اللي متمكن مني لأقصى درجاات .. المهم وانا اتفرج مسحت خشمي
طبعا كمان الكل عارف انو عندي حساسيه ودايما المنديل معايا << حتى كنت القب ب اماني بافاين ..
وكل وحده تبغا منديل على طول تطلب مني <<مايحتاج اشرحلكم .. لانكم داارين .. كنت اكره الفسحه منكم كل شويه منديل
المهم فداكم مناديل الدنيا .. خلينا نرجع لموضوعنا .. وبس مسحت خشمي وجيت ابغا ارمي المنديل بس للأسف رجلي مو راضيه تقوم
او بالأحرى دماغي راسل اشارات لرجلي انو لاتقومي لأنو مووني مكسله .. بس وانا في خضم الصراع بين مخي ورجلي . خطرت
على راسي فكره .. انو اخترع زباله تمشي يعني بالريموت تجي ..ووالله في نفس الوقت عرفت اش بسوي وخلاص حسيت انو اختراع بسيط ..
مايحتاج تعب زي الفصفص.. بس ومين كان جمبي وقتها .. ماما برضو .. قلتلها ع الفكره قعدت تضحك ..
وقالتلي الله يعينك على نفسك << حسيت انو شجعتني للمره الأولى .. يعني هو مو تشجيع بس مشوهاا عاااد
بس انا دحين في دي الأيام السعيده مشغوله شويه .. بس خلاص قررت اسوي الزبالة اللي تمشي .. ودا اختراعي الجديد
واتمنى انو ادخل لعالم الشهرة عن طريق هاذي الزبالة ..
ادعولي ياصحباتي.. وطبعا لايمكن انساكم لو انشهرت .. لأني متعوده على اضواء الشهره
وشكرا ..,,
.. | |
|
رفيعـ الشان ــة
عدد الرسائل : 422
الأوسمه : 
تاريخ التسجيل : 06/05/2008
| | موضوع: رد: فضفضة مخترعة الجمعة يناير 30, 2009 10:49 am | |
| بصرااحه اهنيك على اختراعااتك المتوااااااااااااااااااصله
يعني بجد ابدعتي انا كل يوم يزيد اعجاابي فيك
اماني وش رايك امشي معااك بكره خخخخخ
>>> البنت انعدت من اللي عندهاا يا كافي البلا
بس بصرااحه اهلك لا تعطينهم وجهه وواصلي في اخترااعك او اخترااعااتك يا عمري
واكتبيها في كتاب
اختراعات لاقت التحطيم ولم تنفذ ههههههههههههه
بس اهم شي اكتبي شكر لي بمقدمة الكتااب
ههههههههههههههههههههههههههههههههههههههههههه | |
|
موني
زائر
| | موضوع: رد: فضفضة مخترعة الجمعة يناير 30, 2009 11:06 am | |
| والله ماني ماشاء الله مخك شغال وافكارك ماتخلص وكلها اختراعات تدل ع مدى كسلك بس استمرررررررررررررري عسى ربي يوفقك واشوفك في هو هوليود وتكون ن اشهر نجومها  بس ساعدتها مراح اكون وراك زي الكلاب خخخخخخخ |
|
هيـــــوم
عدد الرسائل : 227
تاريخ التسجيل : 06/05/2008
| | موضوع: رد: فضفضة مخترعة الأحد فبراير 01, 2009 12:19 pm | |
| هههههههههههههههههههههههههههههههههههههههههههههههههه
والله انك خطيره انتي وافكارك واختراعاتك
--------------------
الفصفص ابدا لاتخترعيله شيئ يفتحه
لان الوناسه في الفصفص
وانتي تفتحيه بنفسك
بس في وحده تقربلي لو اخترعتي هذا الإختراع
راح تدعيلك ليل نهار
لان نص اسنانها مكسره من الفصفص
والدكتور يقولها ارحمي نفسك تعبتيني معاك
نفسي اشوف الفصفص
والله وما قصرت جابتله كيس
----------------------------
اما الاختراع الثاني انا معااااك فيه
واذا تبغي اي مساعده انا حاضره | |
|
PUNKEY
عدد الرسائل : 471
تاريخ التسجيل : 05/05/2008
| | موضوع: رد: فضفضة مخترعة الأحد فبراير 01, 2009 2:05 pm | |
| عيني عليك باردة تف تف تف>>>> عشان العين ابخك
صراحة اختراعات رائعة حقت الفصفص انا معاكي لانو ماما سنها انكسر منو
اما الزبالة يختي خلينا نتحرك شوي عاجبك يعني احجام الشعب السعودي ياخوفي الكرة الار ضية تطيح من طولها من ثقلهم | |
|
مووني
عدد الرسائل : 228
تاريخ التسجيل : 05/05/2008
| |
شجوخيتا
عدد الرسائل : 203
تاريخ التسجيل : 05/05/2008
| | موضوع: رد: فضفضة مخترعة الجمعة فبراير 13, 2009 9:37 am | |
| هههههه
الله يسعدك يارب يا موني
بالنسبه للفصفص والله حتى اهلي لهم فترة
طايحين عليه ما اعرف ليش وفعلا ترى يجيب المغص
ولكن اختراع الفصفص انا ارفضه لاني انا ما يعجبني في الفصفص
الا وانا افتحه مرررره ممتع
لكن الزباله اشجعك وبقوة انا ووحدة باعاني من هذا الشي
والله يسعدك وتنجزي اختراعك ويوصلي يارب
واشجع فكرة كتاب اختراعاتك المحطمه
شجوخيتا | |
|
