فاطمه وريم // اجمل صداقه

عدد الرسائل : 227 تاريخ التسجيل : 06/05/2008

فاطمة&ريم..أجما صدآآقة

قصة ممكن إنها تكون موجودة في الواقع لكني كتبتها من نسج خيالي ومن أفكاري الخاصة
الكاتبة(خيآلة متلثمة بشماغ عاشقها)
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

الصدآقة شي حلو, حلو إن تكون لك صديقة وفية وأقرب لك حتى من أنفاسك.., حلو إن صديقتك تكون فاهمتك وقادرة تحتل مكان بوسط حياتك وتكون جزء منك..,والأحلى لما إنها تشاركك كل شي في حياتك ..
أحزان&أفراح..,وتستغل مكان من قلبك ويمكن تاخده كله ويكون مالك غنا عنها.
مافي أحلى من الصدآقة في هالدنيا , الصدآقة المشتملة على الوفا والإخلاص والقلوب المترابطة والأخوة المتبادلة.
أي بنت عندها صديقة بمعنى الكلمة.. من المستحيل إنها تبوح بأسرارها أو تخدلها بيوم من الأيام..,يكونو مثل الأخوات وأكثر من طفولتهم.., ذكريات حلوة لاتنسى مدى الأيام وتبقى تتردد في الخيال والذاكرة, ويجري شريط الذكريات معنا دائماً, (أفلام الطفولة, الضحكات والألعاب,والصراخ والبكاء, وأيام الروضة وأيام المدرسة, الجلسات والحكايات والأسرار والمشاكل والأحلام..)كلها تحت سقف واحد ويجمعها قلب واحد.., ماتقدر الوحدة تفارق الثانية مجرد دقيقة, تربطهم المحبة والإخلاص المتبادل..,والأخوة إلي بنوها بيدهم, وعهد الصداقة الوفية إلي أخدوه على نفسهم.
هذي البنت تكون محسودة!! لأن عندها صديقة في زمن نذر فيه وجود الصديق..
ومن قصص الصدآقة النادرة..قصتي أنا وصديقتي ريم..من أروع وأجمل قصص الصدآقة.. البدآآآيهـ..,,,,,,,,,
ريم أقرب صديقة لي وماأبالغ إذا قلت إنها أقرب لي حتى من روحي..,ويكفي قرابة أهلنا من بعض هي إلي قوت العلاقة بيني وبين ريم أكثر وأكثر..,للأسف ريم كانت مريضة من صغرها إلا إنها كانت تكابر المرض,وتضحك وتركض معنا رغم إنها كانت من تضحك تكح كحة شديدة وماتقدر تتنفس وهم إذا ركضت تتعب ويجيها ضيق تنفس , لكنها كانت تضحك وتلعب وتركض وتسولف حالها حالنا, بين فترة وفترة تتنوم في المستشفى من يزيد عليها التعب وحتى وهي في المستشفى تقوم تزور المرضى وتسولف معاهم رغم تعبها, ريم إنسانة بشوشة وماتحب النكد وضيقة الخلق.. كانت تشاركني بكل شي في حياتي, في همومي,في مشاكلي,في أحزاني,في ضحكاتي,وحتى إذا بكيت دموعها تسبق دموعي..,كبرنا مع بعض ,رحنا الروضة,وكنا محبوبين عند المعلمات أنا وريم وكانو يحبونا كثير وكنا كل نضحك من صغرنا, بعد الروضة دخلنا مرحلة جديدة علينا وهي المدرسة الإبتدائية..,وكنا مانتخلى عن المزح والضحك وتلطيف الجو في الفصل, لكن أغلب الأيام كانت ريم تغيب عن المدرسة بالأسابيع وطبعاً هذا راجع لظروفها الصحية,صارت تتعب أكثر وأكثر,مرت الأيام ولسنين بحلوها ومرها, وانتقلنا لمرحلة جديدة وهي مرحلة المتوسطة,حسينا نفسنا كبرنا ونضجنا لكن مازالت مرحلة الطفولة مسيطرة علينا,البرائة والضحك والوناسة , شي حلو, دخلنا المدرسة أنا وريم مع بعض بمريولنا البني,,
ريم بلهفة:وآآي فطووم ماأصدق جينا متوسط يعني احنا كبرنا..
أنا:صحيح أنا مو مصدقة إني ودعت إبتدائي بعد 6 سنين وانتقلت لمرحلة ثانية.
ريم تضحك وهي تكح:هههه إي والله 6 سنين عشرة عمر معاها هههههه بس ماأتخيل نفسي أعقل عن الضحك والرجة.
أنا: ريوم خلاص لاتضحكي كثير الضحك يتعبك بزيادة.
ريم بإبتسامة بريئة:يشيخة خليني أضحك وأعيش حياتي.
ناظرتها ودمعت عيني مدري ليش.. مسكتني من يدي ودخلنا المدرسة وقعدنا نتفحصها .. بعدين كل الطالبات توزعو في لفصول , وصرنا أنا وريم مع بعض في فصل..وكانت من تغيب أحس بفراغ غير طبيعي,ويقل نشاطي,ويقل ضحكي وماأسولف كثير,كل يوم سهر عالتيلفون سوالف وضحك ومصخرة..,وبليلة من الليالي..
ريم:ألووو
أنا:ألوين
ريم:شحآلش غناآتي..>>وتضحك وتكح
أنا:حيآش الباري شحآلش انتين شحال عيآلش؟؟
ريم:غربلك الله من وين لي عيال؟؟
أنا:يؤؤ آسفة غناتي نسيت إنش ماعرستي
ريم تضحك:عفر كبرتي وخرفتي وتخبلتي الله يعينش على مابلاش يأختي أما أنا بعدي شباب.
أنا:هههههآي الله يغربل بليسك يريوم.
ريم: أضحك وياش لآآآ
أنا: إي لآآآآ
ريم تضحك وتكح:ههههههه
أنا: لووول
ريم:كووول على طووول
أنا:وتروح لسكوول وتلبس مريووول
ريم:وهبول يصير صديق خبول هههه>>وتكح بقوة
أنا:ههههههه حرام عليك ريوم لاتكثري ضحك
ريم:ضفي وجهك أبي أضحك ههههههه
أنا: طيب اضحكي بس مو تكثري ضحك.. يالله قولي لي متى بتجي تأشري من كتابي؟؟
ريم: بكرة الليل فاضية لو بيزي؟؟
أنا:شدعوة انتي تعرفي أنا أصير بيزي على كل الناس الا انتي بعدين لاتتعيبطين بيتنا مثل بيتكم تجي وتقتحمي على طول ههههه
ريم: ههههه إي والله يبنتي ماضاعت فيش التربية
أنا:ههههههههه صرت بنتش هالمرة بصير جدتش هههههه
ريم:ههههههههه خلاص بكرة نتلاقى..
باليوم الثاني ريم ماراحت المدرسة وأنا كالعادة ظليت منكتمة , رجعت من المدرسة ونمت وصحتني ريم من النوم وماقدرت أقوم من النعس وجابت ماي وكبته علي وقمت مختلعة وهي تضحك وتكح:ياالله وفرت عليش السبوحة ههههه
قمت وغسلت وطلعت كتبي طبعاً ريم قعدت ومسكت جوالي وقعدت ترسل بلوتوث وأنا إلي أأشر لها بعدين تهاوشنا بالمخدات(نمزح يعني).. قمت أنا ومسكت إذن ريم:أنا أوريش يابليسة إن ماعلمت أبوش.
ريم: لالا ماما مابسوي شي انقلبت أنا البنت هههههههه.
أنا: الله يغربل بليسِك ينحوس.
ريم: أقول مرة حميي أخبار رجلِك؟؟
(كنت أسميها مرة حميي وهي نفس الشي)
أنا:ويييه خليه يولي طلقته اليوم.
ريم تضرب على صدرها:على قلبي كيف ماخبرتيني أنا اليوم ضربته كان رميت عليه الطلاق مرة وحدة هههههههههه
أنا: إي خطبت واحد ثاني تبي أخوه؟؟
ريم:إي خلاص بروح أطلق إلي عندي وانتي احجزيه لي لايطير.
أنا: ههههههههه
قعدت ريم عالكنبة:تصدقي فطوم إلي محلي الدنيا عندي قعداتي معك والضحك والوناسة هي إلي تنسيني المرض وهموم الدنيا ومافيها لو تدري بس شكثر غلاتك في قلبي مالها حدود.
أنا:وأنا بعد ماأتخيل الدنيا من دونك كيف تكون ماأتخيل أقعد يوم بدون ماأسمع صوتك أو بدون ماأشوفك اوعديني ان مايفرقنا الزمان؟؟
ريم تبتسم: أوعدك..
وظمينا بعض بقوووة..
مضت الأيام ولسنين وعلاقتنا تقوى أكثر وأكثر وكل مالنا نتعلق في بعض.
وآخيراً إنتقلنا للمرحلة الثانوية ,الصف الأول ثانوي ..وانعل أبو المصخرة ياناس.. زاد هبالنا ورباشتنا هذا بدل مانعقل شوي.. دائماً نطفش المعلمات ونضحكهم ومن يصير شي مانسكت من الضحك.. بس إلي شغل بالي إن ريم تعبت زيادة في هذي السنة..وصارت حتى وهي قاعدة تكح وحتى لما تتكلم شوي وتكح وتحس بخنقة وماتقدر تركب الدرج..
بعد ماكانت تكابر على المرض ضعفها ألحين وهذا إلي تعبني وخلاني أنام الليل بدموعي.
ووقفتها معي في المشكلة إلي صارت لي لولا الله ثم وقفتها معي كان الله أعلم بإلي يصير فيني.. مدري شلون أوصفها هالإنسانة .. صدقوني أعجز عن وصفها.
بيوم من الأيام كانت ريم لابسة عدسات وقاعدين نضحك أنا معها .
المعلمة:ريم وفاطمة والآخير معاكم
أنا مو عارفة أتكلم من الضحك:لا ولا شي أبلة سلامتك ونضحك بصوت عالي أنا وريم.
المعلمة: ريم لابسة عدسات؟
ريم وهي تكح:لالا مو عدسات هذي عيوني
المعلمة تحط يد على يد:وماشاء الله عيونك بينقلب لونها بين يوم وليلة.
أنا وريم ضحكنا بصوت عالي.
أنا:أبلة كل شي جايز ليس على الله عسير.
المعلمة: تدرو انكم تستخفو دمكم زيادة
ريم تضحك وتكح:لاوالله تونا نسمعها منك
أنا:مقولة خطيرة بسجلها في التاريخ
ونضحك أنا وريم والمعلمة انقهرت.
ريم:أبلة ماعليك من فاطمة ترا دمها اليوم في أعظم مراحل الجنون لاتقاوم
أنا:إي اليوم دمي أسود مجنون حده
ريم: ألحين من المجنون إنتي لو دمك هههههه
أنا:للأسف لثنين الله يعينك يأبلة.
ريم: وآآآل دمي انقلب أزرق
أنا مسكت يد ريم:عطيني بشوف إي والله حتى عروقها صارت زرقة بدت حالة الهستيريا هههههه
المعلمة: الله يخلف عليكم..
أنا: تصدقي يأبلة إن ريوم من جنونها كانت ممنوعة عنها الزيارة حتى كانو مايخلوني أزورها لأن يقولو حالتها تطورت ودمها صار أسود داكن وزادت كمية الجنون عندها وتولدت شرارات كهربائية وكانت تصرخ عشان تبغى تطلع بعدين هربت صح ريوم؟ ههههه
ريم: يؤؤؤ فضحتني الله يغربلها ههههههههههه بس شفتي أبلة حركات اكتشاف خطير طلعت أنا مولدة للكهرباء هههههههههه
بس وين أغبي وجهي ألحين بعد هالفضيحة ههههه
أنا: هههههه عادي الأبلة مابتعلم أحد بينا وبينها بس صح أبلة؟؟
ريم: بينا وبينها وقدام الكل هذا كيف لو مو بينا وبينها هههههههه
أنا وريم نضحك بقوة.
مضت الأيام وجت أيام اختبارات نص السنة النهائية وكل يوم أنا وريم نسهر في الليل سوالف عالتيلفون ومانسكر إلا وقت روحة المدرسة .. أول يوم في الإختبارات, رحنا أنا وريم بدري وقعدنا نراجع,
ريم:أقول فطوم تصدقي آ؟؟
أنا: ها قولي وش أصدق لآآ؟
ريم: نسيت عفر
أنا وريم:هههههههه
جت أحلام صاحبتنا: أهلين بنسوان حميي حبيباتي
ريم: هلا بحلوم مرة حمينا العزيز من إلي جابك أكيد رجلي ورجل فطوم كانو معكم.
أحلام: لالا جابني رجلي لحاله.
أنا: أحلى يالجو
أحلام: لالا تخافو ماخليت له جو كل مايتكلم كلمة صفعته
كلنا:هههههههههههههه
ريم:زين تسوي فيه وإذا مانفعت فيه الصفعات اشتري خيرزانة
أنا: لابعكاز جدي ترا يأدب صح
ريم: يؤؤ كشفناها تكفخ زوجها الجديد
أنا: وش تفكرو لازم نأدبهم
أحلام: ههههههههههه أتحداكم إذا تزوجتو صحيح تسوو في رجالكم كذا
ريم: وانتي صدقتي اني معاها بنعرس بس كلام يأختي والله أحنا وجوهنا مو وجوه عرس كان نطفر لرجال وأهلهم
كلنا: هههههههههههههه

أحلام: ياالله ياالله عالقاعة
ركبنا القاعة وكنا أنا وريم في قاعة وحدة قعدنا وبعد مابدأ الإختبار صرنا أنا وريم نغشش بعض ونوزع ابتسامات>>بريد ههههههه
وكل شوي لما تدور المعلمة أرفع لها ورقتي وهي لما أحتاجها ترفع ورقتها.
بعد ساعة ونص طلعنا من الإختبار ونزلنا نقعد تحت واشترينا من المقصف وقعدنا نبلع أنا وريم..
ريم: تدري آ هذا لذيذ حده..
أنا: سكتي لآآ لايجيك كف ههههههه
ريم: ههههههههه انقلبنا
وقامت ريم تكح بقوة وحطت راسها بحظني وغطيتها بجاكيتي لأنه كان برد..
ولما طلعنا عالبيت ما جا لها السواق وبيتهم بعيد عالمدرسة واتصلت بأهلها مالقت أحد وخليتها تجي معي البيت .. واحنا نمشي في الطريق.
ريم: فيني ركضة..
أنا: وأنا فيني رقصة هههه
ريم: مالت عليش شكلي ماعرفت اربيش تبي ترقصي في الشارع عرض للناس انتي ها عرض هههههههه
أنا: إي بس أنا إلي عرفت أربيش حتى بخليش تركضي في الشارع ههههههه
أنا وريم: هههههههه
وصلنا البيت ودخلنا غرفتي .. فسخت ريم عبايتها وقعدت
أنا: ريم ليش ماتتعالجي بالخارج يمكن يلاقو لك علاج
ريم:للأسف يفطوم مرضي نادر وماله حد وأنا تعبت من العلاج والأبر والأدوية خلاص كفاية
أنا:بس مايصير كذا إنتي كل مالك تتعبي
ريم: صدقيني قرب يومي ومابيريحني غير الموت
ناظرت فيها وغرقت عيوني من لدموع ماتوقعت اني أسمع منها هالكلام ورحت حظنتها: ريوم لاتقولين بتموتي إنتي ماتدري شيصير فيني من دونك أنا أموت..
ريم: وهي تمسح دموعي: لو أموت وش تسوي؟؟
أنا: لالالا والله أبقى جسد بدون روح ابقى في هالدنيا عايشة بس من داخل ميتة لا يريم لاتقولي كذا
وبعدين وين وعدك ان مانتفارق؟؟
ريم ظمتني بقوة وبكت معي: حبيبتي فطوم انتي صديقة عمري ومستحيل أفارقك بيوم لكن الموت هو الشي الوحيد إلي مانقدر نوقف بطريقه لاأنا ولاأنتي ومتى ماجا يومي لاإعتراض على حكمة الله وأبيك تصبري اصبري واعرفي إنك صديقة عمري واقرب لي حتى من انفاسي ومو بس اختي الا اكثر من أخت واعرفي إن حتى لو رحت وكلمتيني بتكون روحي معك بس اهم شي تصبري..
أنا: ريم إنتي تعرفي إني أصبر على كل شي إلا على فرقاك شلون أصبر ريم لاتقولين لي كذا تكفين
ريم: خلاص حبيبتي اهدي..
مضت الأيام وانتهت الإختبارات ورحنا رحلة لمزرعة أنا وريم والبنات وأنا وريم إلي أسسنا الرحلة وأول من راح المزرعة هم أنا وريم, ريم توأمتي وتوأمة روحي وأساس حياتي .
وصلنا للمزرعة ودخلنا الأغراض .
ريم وهي تستنشق الهوا:أخ ياللهول إنه جو جميل
أنا: نعم نعم إنه يبعث الراحة للنفوس
ريم: إنعل أبو الوناسة يشيخة صرنا نتكلم بالفسحة
أنا: ومرة بعد طالعين نابغات هههههههه
ريم مسكت يدي:ياالله نركض مثل أول

يتبع.....

عدد الرسائل : 227 تاريخ التسجيل : 06/05/2008

أنا: ياالله
وركضنا واحنا ماسكين يد بعض وماتمنيت ان هاليد تفارق يدي ..
وقفت ريم وقامت تكح بقوة وأنا كنت أطالعها وتذكرت كلامها انها بتموت ودمعت عيني لأني مستحيل أعيش هالدنيا بدونها..
ريم: يؤؤ تخيلي إن حنا نطير ونآآشة عفر ههههههه
أنا: والله اذا انقلب دمش أسود بتطيري لآآ
ريم: وآآآل لو أدري كان ماهربت هههههههه
أنا: أتخيل نتعلق فوق هالنخلة ومانقدر ننزل
ريم: وش فيش انتين كل أقولش لاتتخيلي مامنش فايدة
أنا: والله بس انتي إلي تتخيلي حلوة ذي
أنا وريم: هههههههههههه
ريم: بقولك نكتة
أنا: وأنا أسمع
ريم: افتكرتك حاطة صمامات ههههههه
أنا: ههههههههه ياالله قولي قبل لايرجع دمك لأحمر وتهوني ههههه
ريم: هذا في واحد قرا صار بقرة
أنا وريم: ههههههههههههههههههههههههههه
أنا: هذا في واحد بخيل راح يتمشى مع اخته في مجمع ودخل معاها مجمع وأخدت جاكيت وجت له عن المحاسبة لأنه كان يتعبقر عالمحاسب : هذا الجاكيت عجبني
أخوها مسكها من يدها: شسوي لك يعني عجبك رقميه هههههآآآآآآي ياالله السلام عليكم ومشا.
أنا وريم نضحك بقوة
ريم: يؤؤ وش ذا آ؟؟
أنا: وشو؟؟
ريم: عفر ظنيت في شي ههههههههه
طيب خلينا نغني..
أنا: ياالله
ريم: هذا في بقرة
أنا: تركض ورا الشجرة
ريم: طاحت منها شعرة
أنا: ورمتها في الحفرة
ريم:وراحت تقطف زهرة
أنا: وطاحت على الحجرة
وقمنا نصفق هوهو هو هههههههههههههه
ريم:وآآآل عجبتش الأنشودة أبلة؟؟
أنا: إي شحليلش يريم وانتين تقولي الأنشودة شحليلش مرة عجبتيني هههههههههه بعطيش 10 من 10
ريم: شحليلي ههههههههههه أفا بس 10 من 10 آ
أنا: أحم عذراً على الغلط هو 100 من 10 بس الصفر سقط سهواً
ريم: ماظنتي ان الصفر هو الي سقط سهواً هذي عقولنا إلي سقطت سهواً
أنا وريم: ههههههههههههه
أنا: ياالله خخخخخخخخ
ريم: غاصة بعظم
أنا:مافيه لحم
ريم:مليان شحم
أنا: وبشرق احم احم
أنا وريم:ههههههههههههههه
ريم: تذكرت أيام الروضة
أنا: إي والله الروضة راحت أيامها يبتي ههههههه.
للأسف مضت هالأيام الحلوة بسرعة البرق.. وأنا وريم كل يوم نشوف بعض وكل يوم نكلم بعض ونسولف ونضحك ونصخر ونذكر الطفولة ,
وبيوم من الأيام كنت فاتحة المسن وقالو لي إلحقي يفاطمة ريم بالعناية المركزة, مو صحيح مااستوعبت الوضع .. لبست عبايتي ورحت لها المستشفى وشفتها في ذيك الغرفة وعليها ذيك الأجهزة.. بكيت بحرقة وتذكرت كلامها(يومي قريب يفاطمة),وزادت دموعي ياريت ياخدو رأتي ويعطوها إياها ياخدو روحي ويعطوها إياها بس تبقى وتقوم بالسلامة ودي اشوفها تضحك بدون هالكحة إلي تأديها ليش يازمن ليييش؟؟
مابغيت أترك هالمكان وأمشي لكن مشيت بالغصب عني ., مشيت وشريط الظكريات يمر قدامي .. مستحيل ريم تتركني لامستحيل..
مضت فترة وهي بالعناية المركزة تقريباً أسبوعين وأنا كل يوم أدق على جوالها كان عندي أمل إنها تصحى وترد لكن للأسف كان مغلق..
وبيوم من الأيام قعدت من الصبح أدق لين صلاة الضهر, قعدت أصلي وقلبي حاس إن بهاليوم بيصير شي, دعيت ربي ودموعي على خدي ووجهي أحمر من البكي وأنا أصرخ من قلب وأنا حاسة إن في شي وقلبي ينغزني, وماوقفت من البكي ويوم هديت شوي كان الساعة 11 بالليل, فتحت المسن .. كلمتني صاحبتي حلوم:فطوم ريم ماتت؟؟
ضاقت فيني الدنيا من قريت هالكلمة طاحت دموعي على طول :شنو؟؟
رسلت لي أحلام رابط الخبر
أنا: ويلي يعني الخبر صحيح؟؟
أحلام: فطوم حبيبتي هدي بالك
طاح اللابتب من يدي وأنا قاعدة وساكتة ومو مستوعبة الموضوع كنه أحط ضاربني كف على وجهي.. وياريته كف ولا هالصدمة..
فجأة صرخت باعلى صوتي: ريم راحت صحيح ريم راحت ؟؟ تكفون لاتكذبون علي قولو كذابين مستحيل أصدق أكيد أنتو تمزحون .. صديقة عمري ونصفي الثاني راحت لآآآآآمستحيييل..
حسيت روحي مخنوقة وبداخلي شي مو راضي يطلع ظليت أصرخ واصرخ ماقدرت استوعب الصدمة مو صحيح الكلام . سهرت طول الليل مرة ابكي ومرة أضحك واقول لايمزحون ومرة أصرخ حرااام ريم تروح الإنسانة الطفلة البريئة لالا ماراحت .. كل شوي ولاادق على جوالها ويطلع لي مغلق ..
أطالع كل مكان يذكرني فيها كل ركن في غرفتي يذكرني فيها وين مااروح ذكرياتها موجودة في بيتنا كله ..رحت المدرسة وانا مو مستوعبة الخبر. دخلت الفصل على طول صرخت لما شفت مكانها فاضي وغرقت عيوني بالدموع.. ريييم وينك ليه تركتيني يريم ليه شفت البنات كلهم يبكون .. : انتو شفيكم ليش تبكون ترا يكذبو عليكم ريم ماماتت لالا ماماتت أنا أبكي لان هي في المستشفى
جو البنات يحاولو يهدوني
أحلام: ريم حرام قولي الله يرحمها
أنا: لااااااااااااا آلاء ماراحت مستحيل هالبسمة البريئة يدفنها لتراب مستحيييل هالوردة تذبل لآآآآآآآآ
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,
للأسف انطفت في دنيتي كل الشموع ..
يا بعد هالدنيا ليه صاحبك تقسى عليــــــــــــــه
اللي اهدى لك حياته وانت مستكثر تجيـــــــــه
ارخص الدنيا لغلاتك واشترى فرحة حياتــــك
لو طلبته عيونه جاتك وانت تتغلى عليــــــــــه

لك حبيب يموت فيك حس به الله يهديـــــــــــك
هو منشغل باله عليك وانت ما فكرت فيـــــــه
كنك الماي لضماه وفرحته ولمسة شفــــــــاه
وانت حلمه في الحياة وانت كل اللي يبيـــــــه
يابعدهالدنيا ليه ..
,,,,,,,,,,,,,,,,,,,,,,,,,,,,,,,,,,,
ودي ابكي

ودي ابكــي لين ما يبقى دمــــوع
ودي اشكي لين ما يبقى كـــــــلام
من جروحٍ صارت بقلبي تنـــــوع
ومن همومٍ احرمت عيني المنـــام

انطفت في دنيتي كل الشمـــــــوع
والهنا ما يوم في دنيـــــــــاي دام
غربتي طالت متى وقت الرجـــوع
كل عام امني احلامي بعـــــــــــام

ان شكيت للحال محدٍ لي سمـــوع
وان سكت الناس زادوني مـــــلام
طال صبري والزمن عيّ يطــــوع
والرجا باللي عيونه ما تنــــــــــام..
,,,,,,,,,,,,,,,,,,,,,,,,,,,
وراحت ريم الطفلة البريئة وعمرها 16 وذبلت زهرة شبابها وظلمت الدنيا بعيني
وعشت جسد بون روح ومافي شي يونسني غير دموعي والذكريات..
نصيحة مني إلي عندها صديقة بمعنى الكلمة تتشبع منها زين وماتجرحها ويعيشو صداقة حلوة خالية من النفاق مثل صداقتي أنا وريم صداقة الوفاء والأخلاص والبرائة .. تشبعو من صاحباتكم واذا كنتو مزاعلينهم راضوهم لأن بيجي يوم بتفقدوهم بغمضة عين ,مثلي أنا فقدت ظلي مع إني كنت كل يوم أشوفها واقعد معها من النهار لليل إلا إني ماشبعت منها لو اقعد معاها العمر كله ماشبعت منها, راحت وخدت روحي وقلبي وضحكتي معاها وماتركت لي غير الدموع.

تمنيت إنك تكون حلمي النايم تحت الجفون
تمنيتك تبقى في قلبي وماتشوف غيرك هالعيون
بغيتك تكون إلي الصدر الحنون
لكن حسافة ماظنيت إني عليك أهون..

كنت إلي منظار الحياة وعصاة الأمل إلي ماأوقع منها أبد
وكنت إلي عز الجاه وكنت خير السند
وإنت بالنسبة إلي الروح إلي ماتفارق هالجسد
أبد ماتخيلتك ترحل وماترد..

لملمت إلك قطرات المطر وانتظرتك تجي
أبي أهديك عطر الشجن من ودي
وأزيل كل الأحزان من قلبك وأغرس فيه حبي
رحلت يابعد هالدنيا وماعاد ترجع لي..

نسيت كل المحن وإلي أريده ألحين لقياك
وأخلط همي بهمك وأظل طول عمري وياك
أشتريك لو يكون عمري ثمن شرواك
والأهم تظل معي وأبقى وياك..

خد قلبي وحطه بكفة الميزان
وتعرف شكثر هو يحبك وحيران
يريدك تعرف إنه بيك مغرم وهيمان
لازم تعرف إني من بعدك تجرعت الأسى وظليت سهران..

بركان الدموع إلي هز أوتار الأشجان
وخيالك إلي غاب عني عيشني بحرمان
نسيم عطرك إلي فاح من كل الأركان
ذوب أفراحي وبنى لي بيت أحزان..

قلبي إلي ميت في حبك يعاتب وينوح
شلون من حفظته بشراييني عني يروح
راح وخلاني من بعده مذبوح
ودمه من ترك دمي بقى شرياني مجروح..

روحي للحين موصولة بحبل روحك
ودمعتي مربوطة ويا سيل دموعك
ولهفة عيني شلون تبعدها عن عيونك
رحت ألحين وقامو يدفنونك..

مسك الورد دوم أشمه من أطل على بابك
وريح إلي ماأتمنى فرقاه أشمه بثيابك
وأبكي حسرة على فرقاك وحسرة على شبابك
ياورد شلون يدفنوك ويدفنو بهالقبر أحلى أيامك..
النهآآآيهـ